[開箱玩評] Variable Action Heroes 坂田銀時

銀魂連載多年甚至進入左最終章，

相關商品如電玩、景品等多如繁星，

唯獨可動 figure 就從未推出過。

今次 VAH 就向為飢渴左十幾年既銀魂迷灑下甘露，

推出其主角坂田銀時可動 figure，

雖然其比例約為 1/10 ，

並非為開箱人我玩慣既 1/12 可動 ，

但作為首款銀時可動梗係要入手來動手玩啦！

盒好靚。

商品分兩層吸塑呈上，

上層為本體，

而下層為附送配件。

本體自轉一周～

商品附上既面相及髮型數目眾多，

大家可以將兩者瘋狂配搭。

面相 No.1

太靚仔，唔夠死魚眼。

面相 No. 2

面相 No. 3

髮型 No. 1 - 土方十四郎髮型啊！

髮型 No. 2 - 野野村龍太郎記者會髮型

髮型 No. 3 - 漫畫編輯造型

本體上身衣服以分件呈現，

營造出飄逸感。

肩膊加設「Butterfly關節」，

向前、後方活動幅動有所增加。

衣幅及手臂中間有轉動關節，

可調較角度讓整體動作更自然。

手部陰影塗裝造得不錯。

左手可動性就受長袍設計而被降低。

背後造型。

腰間皮帶質感不俗。

腳裸設有接地關節，

穩定性夠高。

裙擺可有限度地揭起，

有足夠空間讓雙腳活動。

老江湖指數屬笑傲江湖級別啊！！！！！！

***獲得成就***

右手手首關節扭左幾下就斷左，

高度還原銀魂惡搞情節啊！

配件中最得意既係有一本「少年JUMP」雜誌，

而入面既劇情同人設就惡搞到世界盡頭啊！ 

動作篇。

作者簡評

其實玩左幾下右手手首關節就斷左認真灰機，

所以動作造型圖片影得唔多，

大家動手玩既時候要小心啊！

不過咁，
第一次玩 VAH 都係開心既。
整體造型算係高度還原動漫入面既造型，
而塗裝 (特別係陰影) 非常到位，
可觀性黎講係上品。

素體可動性算係唔錯，
長袍裙擺有一定量會限制其可動空間，
但好多打鬥耍帥動作都應付得綽綽有餘，
玩起來得心應手。

商品附送配件既數量非常多，
就咁講頭部髮型同面相既配搭真係夠你玩到個孫上大學；
而其他配件都造得好細緻，
特別一提果本「少年 JUMP」雜誌係值得收藏，
絕對係惡搞連動一定要出現既重要物品！

總括而言，
依隻 VAH 銀時值得入手啊！

開箱人玩評指數：4 (抵屌)